Piscaturella

Mario Trevi

Compositor: Eduardo Alfieri / Gigi Pisano

Pare na sarracéna
Cu st'uocchie nire
E 'sta vucchella rossa
Commo ffuoco...
Si' nata 'nterr'â rena 'e margellina
Ma tiene 'e sentimente 'e na regina...
E puorte 'ncuollo nu prufumo 'e mare
Meglio 'e ll'addore 'e tutte prufumiere...

Ohé!...
Piscaturella...
Ohé!
Mme faccio piscatore
Pe' mm'arrubbá stu core...
Nun cerco tesore,
Nun cerco ricchezza...
Mm'abbasta na varca,
Mm'abbasta na rezza...
E ll'ammore cu te!

Certo, dint'a 'sta rezza
Che tire 'a mare,
Na vota 'e chesta truvarraje
Stu core...
E pigliatillo, oje bella, t'appartiene...
Nun mme fá cchiù suffrí turmiente e pene!
Tu si' pe' me patrona e 'nnammurata...
E io sóngo 'o schiavo tujo pe' tutta vita!

Ohé!...
Piscaturella...
Ohé!

Mme faccio piscatore
Pe' mm'arrubbá stu core...
Nun cerco tesore,
Nun cerco ricchezza,
Mm'abbasta na varca,
Ll'azzurro do cielo...
E ll'ammore cu te!

©2003- 2024 lyrics.com.br · Aviso Legal · Política de Privacidade · Fale Conosco desenvolvido por Studio Sol Comunicação Digital